Сэга Сатурн дээр RPG тоглоом цөөхөн гарсан байдаг бөгөөд тус систем дээр гарсан сүүлчийн бөгөөд гайхалтай тоглоомуудын нэг тус консолийн хамгийн шилдэг тоглоом хэмээн үнэлэгдэх нэр Panzer Dragoon Saga хэмээх энэхүү тоглоомонд оногдсон юм. Тоглоом бүтэн 4 CD бөгөөд тэр үеийн тоглоомонд төдийлөн байгаагүй зүйл нь гэвэл тоглоом кино хэсэг тэр үед гарж байсан тоглоомуудаас ихтэй мөн бүх кино хэсгүүд нь дуу оруулалттай. Тоглоом кино хэсгүүд нь дуу оруулалттай мөн тэр үеийн RPG тоглоомууд шиг тусгайлан рендэрлэгдсэн зурган дээр тоглох биш харин бүтэн 3D орчинд бүтээгдсэн. Нийт 16 цаг үргэлжлэх тоглолттой.Тоглоом өмнөх 2 ангийн адилаар сүйрэлийн дараах ертөнцөд өрнөх бөгөөд энд тэндгүй мутацид орсон амьтад хэсүүчлэн хүн төрөлхтөн тал тал болон газар нутаг, эрдэс баялагийн нөөцийн төлөө хоорондоо тулалдана. Харин тоглоом Edge хэмээх Эзэнт гүрний цэрэг залуу хүүгийн тухай өгүүлэх бөгөөд тоглоомын эхэнд хэсэг бүлэг хүмүүс болон Edge эртний соёл иргэншлийн үлдэгдэлийг судалхаар архелогийн малтлага хийж буйгаар эхэлнэ. Гэвч удалгүй малтгалага хийж байсан нүхэн дотор зэрлэг араатан байх бөгөөд тэндхийн хүмүүслий дайрна харин Edge нүхрүү оронд пуужингаар харван амжилттай араатныг устгана. Энэ үеэр Edge нүхэн доторх нэг хананд хөлдөөсөн бололтой нэгэн охин байхыг олж харах болно. Харин үүний дараагаар нүхнээс гарж ирэхэд Эзэнт гүрний цэргүүд ирсэн байх бөгөөд тэд Edge-н анд нөхдийг буудан хороох бөгөөд харин Edge оногдсон ч азаар амьд үлдэн доош нүхрүү унах бөгөөд түүнийг нэгэн луу ирж аврах болно. Үүнээс эхлэн Edge анх нөхдийнхөө өшөөг авах мөн цэргүүдийн авч явсан тэрхүү охины талаар олж мэдэхээр аялалд гарах болно.

Тулааны систем нь тоглоомын хамгийн онцлууштай зүйл бөгөөд тулаан бодит цаган байдлаар агаарт Egde лууны нуруун дээр суусан байдлаар өрнөнө. Тоглоомонд 3 хэмжээ бүхий метр байх бөгөөд хугацаа өнгөрөхөд аажмаар дүүрнэ. Edge өөрийн буугаар 1 дайсныг буудах болон луугаараа олон зэрэг дайсны онилон буудах гэсэн 2 үндсэн дайралттай. Эдгээр 2 дайралт нь  тус метрийн 1 нүд ашиглах бол эмчлэх, Item хэрэглэх зэрэг үйлдлүүд нь 1 нүд ашиглана. Харин 3 нүд бүрэн дүүрсэн тохиолдолд тусгай чадвар ашиглан дайсандаа илүү гэмтэл учруулна. Тулаан түрүүн хэлсэнчлэн агаарт өрнөх бөгөөд дайсны урд, 2 талд нь болон хойно нь гэсэн 4 байрлал байх бөгөөд дайсны энэ 4н байрлалын аль нэг хэсэг нь гэмтэл илүү авах сул тал байна. Харин дайсан энэ сул талаа хамгаалан тоглогчтой зэрэгцэн хөдөлгөөн хийнэ. Тоглоомын радарт 4 талыг харуулсан 4 хуваасан хэсэг байх бөгөөд тэрхүү хэсгээс улаан хэсэгт нисэх юм бол дайсан тоглогчид илүү гэмтэл учруулах, харин өнгөгүй хэсэгт жирийн, ногоон хэсэгт зогсовол дайрч чадахгүй гэхдээ дайсны сул тал нь ихэвчлэн улаан хэсэгт байх бөгөөд энэ нь их эрсдлээр илүү гэмтэл учруулах тактикийн чанартай тоглолтыг нэвтрүүлнэ. Тоглоомын дайснууд ганцаараа болон сүргээрээ явах бөгөөд сүргээрээ яваа тохиолдолд гол толгойлогчийг нь устгаснаар хожих боломжтой.

Тулаанаас гадуур хэсэг нь хөл дэрээ болон агаарт луун дээрээ суун газар нутгаар аялах гэсэн 2 хэсгээс бүрдэнэ. Мөн зөвхөн Edge-н буу зэвсэг өөрчлөхөөс гадна лууныхаа чадварыг өөрчлөх боломжтой. Лууны хамгаалалт, хурд, Цохилт, Шидийн гэмтэл гэсэн 4 үзүүлэлтыг яаж өөрчлөхөөс шалтгаалан лууны өнгө хэлбэр нь өөрчлөгдөнө.

 Тоглолтын бичлэг